پاکستان میں کورونا سے مزید 7 اموات، 252 نئے کیسز رپورٹ

اسلام آباد: (خبربااثر) کورونا وائرس سے 7 افراد جاں بحق ہوگئے، جس کے بعد اموات کی تعداد 28 ہزار 697 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 83 ہزار 475 ہوگئی۔

نیشنل کمانڈ اینڈ آپریشن سینٹر (این سی او سی) تازہ ترین اعدادوشمار کے مطابق گذشتہ 24 گھنٹوں کے دوران 252 نئے کیسز رپورٹ ہوئے جس کے بعد مجموعی طور پر پنجاب میں 4 لاکھ 42 ہزار 804، سندھ میں 4 لاکھ 74 ہزار 818، خیبر پختونخوا میں ایک لاکھ 79 ہزار 855، بلوچستان میں 33 ہزار 467، گلگت بلتستان میں 10 ہزار 411، اسلام آباد میں ایک لاکھ 7 ہزار 580 جبکہ آزاد کشمیر میں 34 ہزار 540 کیسز رپورٹ ہوئے۔

ملک بھر میں اب تک 2 کروڑ 18 لاکھ 32 ہزار 91 افراد کے ٹیسٹ کئے گئے، گذشتہ 24 گھنٹوں کے دوران 35 ہزار 176 نئے ٹیسٹ کئے گئے، اب تک 12 لاکھ 41 ہزار 289 مریض صحتیاب ہوچکے ہیں جبکہ 958 مریضوں کی حالت تشویشناک ہے۔

100% LikesVS
0% Dislikes

اپنا تبصرہ بھیجیں