لاہور میں وکیل کی اسسٹنٹ کے قتل میں سوتن ملوث نکلی

لاہور:(ویب ڈیسک) لاہور کے علاقے جوہر ٹاؤن میں قتل ہونے والی وکیل کی اسسٹنٹ کے کیس کا ڈراپ سین ہو گیا۔

پولیس کے مطابق مقتولہ کو اس کی سوتن نے قتل کروایا اور کیس میں 3 ملزمان گرفتار ہیں۔

پولیس کے مطابق ملزمہ کا کہنا ہے کہ شوہر مجھے وقت نہیں دیتا تھا اس لیے اس کی دوسری بیوی کے قتل کا منصوبہ بنایا۔

پولیس کا کہنا ہے کہ مقتولہ کے شوہر کا ملازم بھی ریکی میں معاونت فراہم کرتا رہا۔

پولیس کے مطابق قتل کی واردات میں ملوث تینوں ملزمان کو گرفتار کر لیا ہے اور ملزمان سے آلہ قتل اور رقم بھی برآمد کر لی گئی ہے۔

واضح رہے کہ 14 اکتوبر کو لاہور کے علاقے جوہر ٹاؤن میں وکیل کی اسسٹنٹ اسیلا سبحانی کی گاڑی پر فائرنگ کر کے انہیں قتل کر دیا گیا تھا۔

100% LikesVS
0% Dislikes

اپنا تبصرہ بھیجیں