گاڑی کے اندر لاک ننھے بچے نے چابی کیسے ڈھونڈی؟ویڈیو وائرل

لاہور:(ویب ڈیسک) سوشل میڈیا پر اکثر اوقات ایسی ویڈیوز سامنے آتی ہیں جو حیران کردیتی ہیں، حال ہی میں وائرل ہونے والی ایک ویڈیو میں گاڑی کے اندر لاک ننھے بچے کو چابی سے گاڑی کھولتے ہوئے دیکھا جاسکتا ہے۔

سوشل میڈیا پر وائرل اس ویڈیو میں دیکھا جا سکتا ہے کہ ایک بچہ گاڑی کے اندر موجود ہے اور گاڑی کا دروازہ لاک ہوگیا ہے، پریشان کن بات یہ ہے کہ چابی بھی اندر ہی رہ گئی ہے۔

گاڑی کے باہر لوگوں کا مجمع موجود ہے اور لوگوں کی نگاہیں گاڑی کے اندر موجود بچے پر تھیں۔

ایک شخص ننھے بچے کو ہاتھ کی مدد سے چابی کا اشارہ کرتا ہے کہ شاید بچہ سمجھ جائے۔ شروع میں بچے کو اشارہ سمجھ نہیں آتا۔ بہت کوششوں کے بعد بچہ چابی کی طرف متوجہ ہوتا ہے اور اسے سیٹ کے نیچے سے اٹھاتا ہے۔اس کے بعد وہ چابی کے مختلف بٹن دباتا ہے جس کے بعد بالآخر گاڑی کا دروازہ کھل جاتا ہے اور لوگ خوشی سے تالیاں بجاتے ہیں۔

100% LikesVS
0% Dislikes

اپنا تبصرہ بھیجیں