اسلام آباد میں مندر کی تعمیر ،فواد چوہدری اور پرویز الٰہی آمنے سامنے

گزشتہ دنوں اسلام آباد کے سیکٹر ایچ نائن میں مندر کی تعمیرکا سنگ بنیاد رکھا گیا تھا جس کی زمین گذشتہ دور حکومت میں الاٹ کی گئی تھی۔
اس حوالے سے چوہدری پرویز الٰہی نے ایک ویڈیو بیان میں مندر کی تعمیر پر تنقید کرتے ہوئے کہا ہے کہ اسلام آباد میں مندر کی تعمیر ریاست مدینہ کی توہین اور اسلام کی روح کے خلاف ہے۔چوہدری پرویز الٰہی کا کہنا ہے کہ ہم اقلیتوں کےحقوق کے ساتھ ہیں لیکن پہلے سے موجود مندروں کی مرمت کی جائے۔
وفاقی وزیر سائنس و ٹیکنالوجی فواد چوہدری نے مسلم لیگ ق کے رہنما اور اسپیکر پنجاب اسمبلی چوہدری پرویز الٰہی کے اسلام آباد میں مندر سے متعلق بیان پر شدید تنقید کی ہے۔ایک ٹوئٹ میں اسپیکر پنجاب اسمبلی کے بیان پر ردعمل دیتے ہوئے فواد چوہدری کا کہنا ہے کہ انہیں چوہدری پرویز الہی کی اس ‘قدامت پسند’ سوچ پر سخت حیرت ہوئی ہے۔ فواد چوہدری نے طنز کرتے ہوئے لکھا ہے کہ ‘خدا کا شکر ہے کہ امریکی اور یورپی رہنما مودی اور پرویز الٰہی جیسوں کی طرح نہیں سوچتے اور مسلمانوں کو مسجدوں کی تعمیر اور عبادت کی اجازت دیتے ہیں’۔ان کا کہنا تھا کہ پرویز الٰہی اور ان جیسی سوچ رکھنے والوں کو مٰیثاق مدینہ کا مطالعہ ضرور کرنا چاہیے،
وفاقی وزیر سائنس و ٹیکنالوجی کا مزید کہنا تھا کہ برداشت اسلام کا بنیادی اصول ہے۔

100% LikesVS
0% Dislikes

اپنا تبصرہ بھیجیں